رژێمی داگیرکەر بەردەوامە لە هێرشە ئاسمانییەکانی بۆ سەر غەززە. لە ئەنجامی هێرشەکاندا ٣٨ کەس شەهید بوون و دەیان کەسیش بریندار بوون.

رژێمی داگیرکەری سەهیۆنی ئەمڕۆ بەیانی دەستی بە هێرشەکانی توند بۆ سەر غەززە کرد. لە ئەنجامی هێرشەکاندا ٣٨ کەس شەهید بوون و دەیان کەسیش بریندار بوون.

بە پێی ڕاگەیەندراوی نەخۆشخانەی شیفا، هێرشێک بۆ سەر ناوچەی ئەمنی گشتی لە باکووری ڕۆژئاوای غەززە ئەنجام درا. لە ئەنجامی هێرشەکەدا ٨ کەس شەهید بوون و لانیکەم ٤٠ کەسیش بریندار بوون کە بەشێکی گەورەی قوربانییەکان ئافرەت و منداڵ بوون.

لە ئەنجامی هێرش سەر خانووی خانەوادەی مەسعود لە گەڕەکی دەریج لە ڕۆژهەڵاتی غەززە ٢ منداڵ شەهید بوون و ژمارەیەکی زۆر بریندار ڕەوانەی نەخۆشخانە کران. هێشتا کەسانێک لە ژێر باڵەخانەڕوخاوەکاندا گیریان خواردووە.

لە ئەنجامی هێرش سەر گەڕەکی سوبرا لە باشووری غەززە ٤ کەس شەهید بوون.

هێرشێکی دیکە بۆ سەر کەمپی دەیر بەلەح ئەنجام درا و لە ئەنجامی هێرشەکەدا ٣ کەس شەهید بوون و تەرمی قوربانییەکان ڕەوانەی نەخۆشخانەی شەهیدەکانی ئەقسا کرا.

لە نوسەیرات هێرش کرایە سەر خاڵی دابەشکردنی هاوکاری مرۆیی و ٧ کەس شەهید بوون و ٢٠ کەسیش بریندار بوون. هەروەها هێرشەکانی دیکە بۆ سەر ناوەڕاستی غەززە ئەنجام درا.

رژێمی داگیرکەر لە کاتی هێرشەکاندا ئەو شوێنانە دەکاتە ئامانج کە ژمارەی مەدەنییەکان تێدا زۆرن و بە ئەنقەسد مەدەنییەکان دەکاتە ئامانج.(İLKHA)